BIZKOTXALDE BE BAGARA

Aupa lagunak:

Berriro elkarrekin!

Datorren igandean, abenduak 2, gure herrian, Basaurin, Euskararen eguna dela eta, festa erraldoi bat antolatuko da; Basaurin be bagara leloarekin.

Egitarauan gauza desberdinak egongo dira: 

-         Bertsoak

-         Flash mob-a: non herritar guztiok parte hartzeko aukera izango dugu.

-         Mendi martxa

-         Spinning

         Eta gauza mordo bat…………..

Anima zaitezte eta etorri Basaurira oso ondo pasatuko duzue eta……………….

Aupa lagunak :

Basauriko jaiak izan direla eta, gure eskolan txartel txapelketa bat egin genuen 6. mailako gelen artean. Lau pertsonako taldeak egin genituen. Txartelak egiteko 2 egun besterik ez genuen izan eta gure gelako neska batzuk txapeldunak izan ziren, 72 botoekin, eta bigarrenek 31 boto izan zituzten.

Hemen uzten dizuegu gure argazki bat.

  

Beste aldetik, pasa den astean Artunduaga kiroldegira joan ginen euskal pilotari buruzko mundua ezagutzera. Gauza desberdinak ikasi ditugu: jolas motak, pilota eta pilotari desberdinak…ikusi genituen. Bi tailer egin genituen: alde batetik, pilota bana egin genuen eta, beste aldetik, tako bat. Hori eta gero, frontoian jolasteko aukera izan genuen: eskuz, zesta-puntaz eta sareaz. Hango monitoreei, Mikeli eta Javierri, eskerrak eman behar dizkiegu haien azalpenetatik.

Agur, ikusi arte.

KOITADUA, KOITADUA, AMAITU DIRA JAIAK BASAURIKOAK!

Aupa lagunak:

Atzo Basauriko jaiak bukatu ziren. Oso ondo pasatu dugu baita arin ere.

Pasa den asteartean Eskarabilera ( jaietako protagonista, panpina) gure eskolara etorri zen. Han egon ginen argazkiak ateratzen, dantzatzen eta ondo pasatzen.

Beste aldetik, alkate eta alkatesa txikiek oparitutako makilak erakutsi zizkiguten.

Ostegunean haurren eguna ospatu egin zen. Buruhandiak, kars, txapelketa desberdinak… izan ziren eta barraketan prezio merkeak egon ziren baina bidaiak laburragoak ziren.

Umeentzako zurrakapote dastatzeko aukera izan genuen. Zurrakapote gure jaietako edari tipikoa da. Umeentzat denean ardorik izan beharrean mostoa izaten du, alkoholik gabekoa izateko.

Atzo jaiei amaiera emateko Eskarabileraren burua askatu egin zen eta airetik gure herritik aldendu egin zen.

Beno lagunak, nahiz eta triste samar egon datorren urteko jaiak prestatzen hasiko gara.

HAUXE BAI JAIAK !

Aupa lagunak :

Bihar Basauriko Jaiak hasiko dira eta San Faustoren omenez egiten dira.

Lehenengo egunean Herriko Taldearen 15 taldeek jaitsiera egiten dute. Amaitzean taldeetako lonjetan zurrakapotea ematen dute.

8 egun dira eta 2 alkate txiki daude. Alkatesa txiki GURE GELAKO BAT DA !

Agur eta ondo pasatu nahi baduzue, etorri gure herrira.

HISTORIA IKASTEN

Aupa lagunak:

Ingurune saioan Historia ikasten hasi gara eta momentuz Historiaurrea bakarrik ikasi dugu. Oraintxe Antzinaroa ikasten hasi gara eta internetetik bidaiatzen bideo batzuk aurkitu eta ikusi egin ditugu. Nahiz eta gaztelaniaz egon zoragarriak dira, benetan ! Ikusi nahi baduzue You Tuben “Mesopotamia antigua”  jarri eta zati bietan banatuta dagoena aukeratu. Gauza bera egin ahal da Egipto, Grezia eta beste herri batzuekin.

 Hemen dituzue landutako gaiari buruzko guk egindako marrazki batzuk:

ITURRI HISTORIKOAK

PALEOLITOA

NEOLITOA

MONUMENTU MEGALITIKOAK

LASTER ARTE

BERRIRO HEMEN !!!!!!!!!!!!!!

Aupa lagunak:

Berriro zuekin. Gaur gure eskolako lehen eguna da eta egondako aldaketak komentatuko dizkizuegu:

–       Aurten 6. mailan gaude eta eskolako azken urtea da.

–       Gure eskolaren izena aldatu egin da eta orain Bizkotxalde deitzen da.

–       2 neska berri ditugu.

–       Iazko maisu bat ez dago (Asier) eta faltan botako dugu oso majoa baitzen.

Oporretan oso ondo pasatu dugu, leku desberdinetara joan gara, baina, zoritzarrez oso arin pasatu egin dira.

Hona hemen gaur ateratako argazki bat. Horretan, gelako 2 falta dira oporretan jarraitzen dutelako.

 Laster arte

"EL POBAL" BURDINOLA

Aupa lagunak:

Pasa den astean  El Pobal burdinolara joan ginen.

Hasieran, artoa eta irina ehotzeko errota handiak ikusi genituen. Uraren indarra erabiltzen zuten errotak mugitzeko. Amaitu ondoren burdinola ikustera joan ginen: Errotan irin, burdinolan burdin.

Burdinola barrutik ikusi baino lehen, erabiliko zuten ura nondik zetorren azaldu ziguten. Barruan maketa batzuk ikusi genituen prozesu osoa hobeto ulertzeko. Benetako hauspo eta mailu erraldoiak ikusi ondoren tailer bat egin genuen: burdin zati bati forma eman genion.

Ikustaldia eta gero, landa batzuetara joan ginen indarrak eskuratzeko ( hantxe  bokatak jan genituen) eta aisialditxo bat izateko.

Benetan oso irteera polita eta interesgarria. Ikustea pena merezi du!!!!

Agur



 

 

 

AURTEN BAI !!!!!!!!!!!!!

Aupa lagunak:

AURTEN BAI !!!! Europako kopa ez genuen irabazi baina gure ekipoaren alde eta animatzen jarraitzen dugu ( beno gure artean disidenteak ere badaude). Horrexegatik hemendik gure animu sutsu eta handienak bidaltzen dizkiegu Athleticen jokalari guztiei:

AUPA ATHLETIC !!!

LEHOIEKIN BETI !!!

GORA MUTILAK !!!!!!!!!!!!!!!!!!!!!!!!!!!!!!

KOPA GUREA DA !!!!!!!!!!!!

ATHLETIC BETI ZUEKIN !!!!!!!!!!!!!!!!!!!!

Eskolan geratu diren andereño eta maisuak ere ATHLETICen  ALDE



BERTSO TOPAKETA

Aupa lagunak:

Gaur goizean Sozial Antzokira joan gara eskolen arteko bertso topaketa bat entzutera.

Basauriko eskoletako 6. mailako neska –mutilek parte hartu dute kurtsoan zehar landutako doinu, neurri eta abar erakutsiz. 5. mailakoak ikusle moduan joan gara, datorren urtean guri tokatuko zaigu eta.

Bizkaiko 2 bertsolari ospetsuk, Peiok eta Beñatek, haien bertsoak eskaini dizkigute.

Agur

BIDE HEZKUNTZA

 Aupa lagunak:
Gaur Bide-Hezkuntza programa barruan ekintza batzuk egitera joan gara. Trafiko seinaleak birpasatu ditugu, jolas bat egin dugu eta gero gehien gustatu zaiguna: bizikletaz ibiltzea.
    Bi taldetan banatuta, batzuk bizikletaz zeudenak ikertzen egon gara ea ondo egiten zuten, arauak errespetatzen zituzten…Ondoren trukatu izan dugu eta horrela guztiok bizikletaz ibiltzen egon gara.

Oso, oso ondo pasatu dugu.

Agur



GAUR IRABAZLE!!!!!!!!!!

Aupa lagunak:

Gaur Athleticek partida historikoa jokatuko du Atletico de Madrid-en kontra. Hemendik gure animuak eta zortea bidaltzen dizkiegu.

Datorren astelehenean Bilbon egongo gara animatzen eta gabarra ikusten.

 ANIMO LEHOIAK !!!.

 

UGAOKO ARRANTZA ESKOLA

Kaixo lagunak:

Gaur arrantza egitera joan gara. Oso dibertigarria izan da nahiz eta ezer ez arrantzatu.

Ugaoraino trenez joan gara. Han gure zain zeuden.

Gela batera eraman gaituzte eta gauza desberdinak ikasi ditugu:

-         Amu desberdinak ikusi ditugu: 3 puntakoak, arrainak dauzkatenak eta punta batekoak.

-         Nerbioi ibaian topa ditzakegun arrainak: amuarrain arruntak, ortzadar amuarrainak, loinak, aingirak…

-         Arrainak nola neurtu.

-         Behar diren baimenak…

Kamiseta bana eman digute, berde kolorekoa.

Ondoren bakoitzak kanabera bat hartu eta arrantza egitera joan gara. Nahiz eta arrantzatzeko denbora luzea egon, ez dugu ezer harrapatu. Edo arrainak beldurtu izan dira edo diputaziokoek ez dute ibaira arrainik bota, ondoren arrantzatzeko.

Beranduago bazkaltzera joan gara eta aprobetxatuko dugu apur bat jolasteko.

Bueltan nekatuta baina pozik ailegatu gara eskolara.

Agur eta laster arte.

LIBURU EGUNA ETA ANTZERKI TOPAKETAK

Aupa lagunak:

Zenbat denbora zuekin egon gabe!

Oso liatuta ibili gara azken egun hauetan antzerki-saio bat egin behar genuelako. Basauriko Ibaigane Kultur Etxean antzeztu genuen 5. mailako ume guztiok gure gurasoen aurrean. Oso ondo atera ziren antzerki guztiak eta oso ondo pasatu genuen. Gure gelako antzerkien izenburuak Lurrikara eta Zientzialari eroak dira.

Momentuz argazki gutxi, eta ez oso onak, ditugu baina ideia orokor bat egiteko balio dute. Beranduago beste batzuk jarriko ditugu.

       

LURRIKARA

ZIENTZIALARI EROAK

Beste aldetik, astelehenean Liburu Eguna ospatu genuen eskolan. Guk irakurritako liburuaren idazlea, Iñaki Friera, etorri egin zen bere liburuari buruz, Izaroko altxorra-ri buruz, hitz egiteko. Berarekin hitz egiten egon ginen eta liburuetan sinatu egin zigun.

Agur eta laster arte.